सुन तस्कर गोरेको अर्को अवतारः ‘क्या हुवा तेरा वादा…’ (भिडियो सहित)

हाम्रो सन्देश संवाददाता

तीन हजार ८ सय केजी सुन तस्करी र सनम शाक्य हत्यामा जोडिएको एउटा कुख्यात नाम हो– चुडामणि उप्रेती उर्फ गोरे।

सुन तस्करीको अन्तर्राष्ट्रिय सञ्जालमा परिचित रुपेश र जिके नाम पनि गोरेकै हाे। संयुक्त अरब इमिरेटसको दुबईमा भाइ रमेश उप्रेतीको समूहमार्फत सुन तस्करीमा सक्रिय गोरे गाँजाखाका पारखी हुन्। गायब पारिएको साढे ३३ केजी सुन खोज्ने क्रममा यातना दिन उनी जति क्रुर देखिन्छन्। गाँजामा लठ्ठ हुँदा उनमा त्यसको छनक पनि देखिँदैन। गाँजाको नशामा उनी ‘बिन्दास’, ‘मस्त’ लाग्छन्।

पक्राउ परेका गोरे निकट युवा मोहनराज काफ्ले र टेकराज मल्ल ठकुरीको बयानमा समेत गोरेले सुन खोज्न दिभर यातना दिए पनि राती नगद दिएर पठाउने गरेको खुलेको थियो। उनले गायब भएको साढे ३३ किलो सुन खोज्न मोरङ उर्लाबारीको जंगललाई अखडा बनाएका थिए। जहाँ पार्टीसँगै यातनाको श्रृंखला चलाइएकाे थियाे। साढे ३३ केजी सुन खाेज्ने क्रममा धरानको निर्भाना क्लबमा समेत गोरेको पार्टी निरन्तर चलेको थियो।

माेरंग जिल्ला अदालतकाे अादेशमा हाल थुनामा रहेका गोरेले यसअघि एउटा अखडामा मस्त हुँदै ‘क्या हुआ तेरा वादा…’ बाेलकाे हिन्दी गीतमा नाचिरहेको भिडियो नेपालखबरलाई प्राप्त भएको छ। सन् १९९७ मा रिलिज भएकाे ‘हम किसी से कम नही’काे साे गीतमा उनी मस्त देखिन्छन्।

भिडियोमा गोरेको हातमा पेपर मेड गाँजा छ। सेतो ज्याकेट र ट्राउजरमा रहेका उनको हाउभाउले उनी त्यो समूहको नाइके भएको बुझ्न कठिन हुँदैन।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।
Loading...