सुनको मूल्यमा नयाँ कीर्तिमान, ५ सय रुपैयाँ बढेर ७० हजार कायम

हाम्रो सन्देश संवाददाता

काठमाडौं ,२३ साउन ।

आज (साउन २३,२०७६) विहीबारको दिन नेपाली बजारमा सुन चांदीकाे मूल्य बढेर इतिहासमा सबैभन्दा महंगाे भएकाे छ। सुनको मुल्य प्रति ताेला रु ५००।- ले बृद्धी भै हालसम्मकै उच्च मूल्य कायम भएकाे छ । छापावाल सुन आज रु. ७०,०००।- प्रति तोलामा मा काराेवार भएको छ । जुन यस अहिलेसम्मकै उच्च मूल्य हाे । हिजाे बुधबारकाे नेपाली बजारमा सुन रु. ६९ हजार पांचसय रूपैयांमा कारोबार भएको थियो।

यस्तै तेजावी सुनको मूल्य ६९,७००।- रुपैँया रहेको छ। तेजावी सुनकाे मूल्य पनि अहिले सम्मकै महंगाे हाे ।

सेताे धातु चाँदीको मूल्यमा पनि रू १५।- प्रतिताेलाले बृद्धी भएकाे छ । चाँदि हिजाे रू. ८१०।- मा खरिदबिक्री भएकाे थियाे भने आज रु. ८२५।- प्रति तोलामा कारोबार भईरहेको नेपाल सुनचांदी व्यवशायी संघले जनाएकाे छ।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।
Loading...