मनोविद रमा कार्की भन्छिन्, पुडासैनीको भिडियो रहस्यमय छ, भिडियोमा रेकर्ड

हाम्रो सन्देश संवाददाता

पत्रकार शालिकराम पुडाशैनीले आफुले देह त्याग गर्नु अघि नाम लिएका कारण अहिले चर्चित टेलिभिजन कार्यक्रम प्रस्तोता रवि लामिछाने सहित तीन जना अहिले प्रहरी हिरासतमा छन् । उनले देहत्याग गर्नु अघि त्यसको जिम्मेवार यिनीहरु हुन् भन्दै रवि लगायत तीन जनाको नाम लिएको भिडियो सार्वजनिक भएपछि प्रहरीले घटनाको अनुसन्धान गर्न प्रहरीले नियन्त्रणमा लिएका छन् । वास्तवमा सो भिडियोमा रहेको विषयबस्तुलाई लिएर मनोविदको धारणा अहिले आएको छ ।

मनोविद् रमा कार्कीले पनि पत्रकार शालिकराम पुडाशैनीको भिडियो आफुले हेरेको बताएकी छन् । कार्कीको समुहले पत्रकारमा हुने मनोवैज्ञानिक समस्याका बारेमा अध्ययन गर्न लागेको छ । उनले रवि र पुडाशैनीको घटनालाई पनि पहिल्यै देखि हेरेको बताएकी छन् । उनले कानुनको कुरा आफुले भन्न नसक्ने भएपनि मनोविदको हिसावले हेर्दा घटनाको पछाडी डिप्रेशन कारण भएको बताएकी छन् । कार्कीले महिलालाई पठाएको म्यासेज अध्ययन गर्दा त्यो भन्न सकिने बताइन् ।

भिडियोले उनमा आत्मविश्वासको कमी भएको देख्न सकिने बताइन् । उनले काम र प्रेमको कारणले आफु डिप्रेशनमा पुगेको कुरा भिडियोमा पनि बताएको र म्यासेजमा पनि सो कुरा उल्लेख भएको बताइन् । शालिकरामले म्यासेजमा आफुलाई कसैले फसाउन खोजिरहेको भनेर उल्लेख गरेका छन् तर आफुलाई कसले फसाउन खोजेको भनेर बताएका छैनन् । उनले भिडियो हेर्दा त्यहाँ अरु कोही ब्यक्ति पनि उपस्थित भएको शँका गर्न सकिने बताइन् । उनले नियन्त्रणमा लिइएकी महिलाको आफुलाई निकै चिन्ता लागेको बताइन् । उनको गोप्यता भंग गरिएको भन्दै त्यो गर्न नमिल्नेब बताइन् । कार्कीले ति युवतीलाई अनुसन्धान गर्दा पनि मनोविद राखेर गर्नुपर्ने बताइन् ।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।
Loading...