विश्व क्रिकेटमा उदाउँदो प्रतिभा क्रिकेटर लामिछाने सम्मानित

हाम्रो सन्देश संवाददाता

काठमाडौँ, २२ जेठ ।

‘मेरो लगानी डट कम’का प्रमुख कार्यकारी अधिकृत अतितलाल श्रेष्ठ र सम्पादक राजेन्द्र खनालले संयुक्त रूपमा विश्व क्रिकेटमा उदाउँदो प्रतिभाका रूपमा परिचय बनाएका युवा क्रिकेटर सन्दीप लामिछानेलाई सोमबार सम्मान गरेका छन् । 

‘मेरो लगानी डट कम’का तर्फबाट क्रिकेटर लामिछानेले सम्मान स्वरुप रु ५० प्राप्त गरेका छन् । लामिछानेले आफूलाई उक्त सम्मानले उत्साहित र थप जिम्मेवार बनाएको बताउनुभयो ।

क्रिकेटर लामिछाने आइपिएल, क्यारेबियन लिग (सिपिएल) र क्यानडाको ग्लोबल टी–ट्वान्टी क्रिकेट लिगमा अनुबन्धन हुने पहिलो नेपाली खेलाडी हुन् । केही दिनअघि मात्रै सम्पन्न आइपिएलमा सन्दीपले ३ खेल खेल्न पाएका थिए । लमिछानेले यसै साता विश्व ११ टोलीका तर्फबाट लडर्समा वेस्टिन्डिजविरूद्ध विश्व चर्चित खेलाडीसंँग अन्तर्राष्ट्रिय टी–२० खेल खेल्ने मौका पाएका थिए । आइतबार मात्रै लामिछानेले ग्लोबल टी–२० क्यानडा क्रिकेट लिग खेल्ने पक्का भएको थियो । उनलाई आइतबार मोन्ट्रिइल टाइगर्स टोलीले अनुबन्धन गरेको हो ।